Ganito Pala..

..mabundol.

Kahapon pa sana ako mag-p-post. Kaso, medyo restless pa mga tao.

Kanina pa akong mga 2am pagising-gising. Hindi kasi ako makapagpalit ng pwesto ng basta-basta. Sumabay pa yung pagka-ngalay ng likod ko.

Nagsisi ako bigla na ipinalagay ko muna sa ref yung prutas na bigay ni Kei. Gusto ko sana ngayon.

Lab na lab talaga kita, Kei. Tong taba kong to, inaakay mo ako. Saya ko naman. Sabay akap.

Kahapon, medyo naasar ako sa HealthServ. Ang tagal-tagal kong naghintay, nakaupo lang sa wheelchair. Tinanong ko yung receptionist, kung pwede man lang ba akong magpalinis ng sugat. Sabi, "kay Doc". Mahigit isang oras din, bago ako nakapagpa-X-ray. At hindi nila nilinis yung mga sugat ko. Wala pa silang saklay. Bwisit din na insurance yan. Wala daw to sa coverage ko. *grrrr....gle*

Nasa isip ko kahapon, "Natatanga ako, pag ako yung may problema." Paano ba naman, kung hindi pa inalok ng nagmamaneho yung cellphone number nya, hindi ko pa malalaman. Sana din nag-file ako ng report sa barangay office.

"Para! Mama, sasakay po!"
"WTFWTFWTF! BBQ?! Motor amp!"
*kablag*
"Hindi pala masakit, e! Kaya ko tumayo! Kaya ni Will Smith, e kotse pa yung sumapol sa kanya! *nyaaaaa!* Sakit pala!"